Ka Meghalaya New & Renewable Energy Development Agency ha ryngkat ka Ministry of New & Renewable Energy mynta ka sngi (23rd June, 2023) kila pynlong ia ka National Seminar on Promotion of Clean Energy Access in North East India bad ia kane la pynlong ha Courtyard by Marriot, Police Bazar, Shillong, ha kaba u myntri ka sokar jylla ba dei peit ia ka bor ding (Power Minister) u A T Mondal u la long u kongsan.
Ka jingthmu ba kongsan jong kane ka Seminar ka long ban pynsngewthuh sha ki nongshong shnong jong ka thaiñ Norteast ban pyndonkam ia kita ki Clean Energy, kiba kynthup ia ka jingpynmih bor ding lyngba ka sngi, ka lyer bad kiwei de ki bym ktah ia ka mei mariang.
La ioh ia ka jingai jinghikai lyngba ki riew shemphang halor ki phang bapher bapher kynthup ia ka ‘Overview and Current Status of Compressed Biogas’, ka ‘Biomass Pellet and Briquettes as Fuels’, ‘Role of Energy Access in Livelihood Enhancement in North East’ bad kiwei kiwei de ki phang ba kongsan.
Ha kane ka prokram la wan ban iashim bynta lang da ki tnat sorkar bapher bapher ba kynthup ia ka Centre for Science and Environment (CSE), ka Association of Renewable Energy Agencies of States (AREAS), ka IIT Guwahati bad ka North East Centre for Technology Application and Reach (NECTAR).
