U Myntri Rangbah ka jylla u Conrad K Sangma mynta ka sngi u la plie ia ka jingialang kaba la pynlong ha State Convention Centre halor ka “Enhancing Mineral Exploration lyngba ka NMET” kaba la pynlong da ka Directorate of Mineral Resources, ka sorkar jylla.
Haba ai jingkren, u Myntri Rangbah ka Jylla, u Conrad K Sangma u la ong ba ïa kane ka jingïalang la pynlong da ka jingthmu ban noh synñiang sha ka thong jong ka jaidbynriew ban pynlong ïa ka ri India ka Viksit Bharat. U la ong ruh ba ryngkat bad ka jingkiew jong ka teknoloji ha kine ki por mynta ka jingwad marpoh khyndew ka la long kaba thikna, kaba suk bad kaba stad. “Ki paralok ha ka liang ka teknoloji kum ka NESAC ki la don ka bynta kaba kongsan bha ym tang ha ki kam tih mawshun hynrei wat ha kiwei pat ki bynta kum ki marpoh khyndew bad ka jingshna map ïa ki marpoh khyndew ha ki khlaw,” u la ong.
U la ong ruh ba katba dang wad bad tih ia ki marpoh khyndew na ka bynta ka roi ka par baroh kawei jong ka jylla bad ka ri ka donkam ruh ban pynthikna ban pynduna ia ka jingktah ia ka mariang bad ka mariang bad ban buh ia u lain shano shano. “Ngi kum ki nongshim bynta ngim lah ban iehnoh ïa kine ki jingshisha bad kaba kongsan ban pynthikna ba ka jingpynneh pynsah bad ka jingïahap jingmut kan neh,” u la ban jur.
U myntri rangbah u la bynrap ruh ba ka rukom bat khyndew jong ka jylla ka long kaba kyrpang bha bad kaba la rung ha ka kolshor bad ka riti dustur. “Kine ki bynta ruh ki dei kiei kiei kiba ngim kwah ban iehnoh bad ka long ruh kaba kongsan ban burom ïa kine ki kolshor, ki riti dustur bad ki briew bad ban ïatreilang bad ki ban tei ïa ka jingïasngewthuh jingmut bad ka jinglong kaba dei kaba pynthikna ba baroh ki don ha ka liengsuiñ,” u la pynpaw.
Haba pynkut ia ka jingkren jong u, u myntri rangbah u la ong ba ka jingkylla ia ka rukom tih mawshun na ka rukom tih mawshun tynrai kaba ki nongtih mawshun jong ka jylla ki la trei da ki spah snem sha ka rukom tih mawshun da ka science ka hap ban don ka nongrim. “Ka jingkhang ia ka rukom tih mawshun bym dei ka science ka ktah jur ia ka ioh ka kot jong ki longiing kiba shaniah ha ka jingtih mawshun bad ia ka ioh ka kot jong ka jylla kumta ka jingkylla ka hap ban long kaba beit na ka bynta baroh ha kaba ka jingkylla ka jia hapoh ka por ba la buh,” u la ong. la pyndap.
U Myntri Rangbah ka Jylla ula pyllait ruh ïa ka State Geological and Mineral Map of Meghalaya ha ka jingheh kaba 1:1 million scale bad u la pyllait paidbah ruh ïa ka Meghalaya Minerals Database ha kane ka sngi.
Ia kane ka jingialang kaba shisngi la pynlong ban pynsted ia ka kam wad bniah ha ka jylla. Lyngba kane ka jingialang baroh ki nongshim bynta, kynthup ia ka kam wad marpoh khyndew ban kyntiew ia ka jingpynmih marpoh khyndew ha ka jylla. Kumba ka long mynta ka Directorate of Mineral Resources bad ka Geological Survey of India ki dei tang ki artylli ki seng sorkar kiba trei ia ki jingtohkit bad wad ia ki marpoh khyndew ha kane ka jylla bad ka la duna ka jingiashim bynta na ki riew shimet ha ki kam wad marpoh khyndew. Kham bunsien ki jingwad bniah la leh lyngba ka rukom wad bniah ia ka sla khyndew i.e., da kaba shna map, shim nuksa bad kiwei kiwei bad ki don katto katne ki jaka ba la leh ia ka rukom wad bniah lyngba ka jingtih mawshun.
Ka jingïalang ka dei ka jingthmu ba kongsan ban kyntiew ïa ka kam tih mawshun jong ka jylla da kaba pynïasoh lang ïa ki nongïashim bynta ba kongsan kiba pynsuk ïa ka jingaiti ïa ki jingtyrwa wad bniah kiba bha, ban pynroi ïa ka jingpynwandur bad ban weng ïa ki jingeh ha ka rukom wad bniah. Kane ka workshop ka long ruh ban pynshlur ia ki riew shimet ban iashim bynta ha ka kam wad marpoh khyndew.
Ki jingkren bapher bapher na ka NESAC, ka NMET, ka tnad dewïong, ka GSI, ka tnad aiñ, ka SEAC, ka CMPDI bad ka MECL ha kane ka jingïalang shemphang. Kiba pawnam napdeng kiba la wan ban ïashimbynta ki long u Asit Saha, Director General ka GSI, ka kong Geetika Sharma, Deputy Secretary & HoD ka NMET, Commissioner & Secretary ka tnad Mining & Geology, Meghalaya bad u Director jong ka tnad Mineral Resources, Meghalaya u R P Marak.