U District Election Officer, West Jaiñtia Hills ula pyntip paidbah ba ïa list jong ki kyrteng jong ki nongthep vote la dep ban pynbeit thymmai na ka Draft Photo Electoral Roll jong ki saw tylli ki Assembly constituencies kata ka 1- Nartiang (ST), 2- Jowai (ST), 3- Raliang (ST) bad 4- Mowkaiaw (ST) la dep ban pynkhreh kat kum ka tarik khein rta haduh ka 01.01.2024 kaba long katkum ka aiñ jong ka Registration of Electors Rules, 1960.
Ia ka kopi jong katei ka draft photo Electoral ba la dep pynbeit thymmai la dep ban pynmih bad lah ban leit jurip ïa ka ha ka ophis jong u Deputy Commissioner, West Jaiñtia Hills ha kipor ba long trei ophis.