Ka Jaintia Students’ Movement (JSM) Western Region mynta ka sngi kala ioh ban pynskhem ia ki nongialam ba thymmai jong ka Thadlaskeiñ Circle ha ka jingialang kaba la pynlong ha Orchid Thadlaskeiñ.
Ia ka jingialang la pyniaid da u General Secretary ka Western Region u Chanskhem Suchiang. La ioh ia ki kyntien sneng kyntien kraw da u Ribok Biam uba dei u President jong ka Western Region, na u Jimmiral Kharmutee uba dei u Adviser ka Western Region, na u Wellborn Phawa jong ka Jowai Circle.
Ia ka jingpynbam smai ia ki nongialam kane ka Circle la shim da u Chief Organising u P.S Phawa uba la ai ruh ia ki kyntien kyntu kynpham ia baroh ki nongkitkam ba thymmai jong kane ka Thadlaskeiñ Circle.
Ki nongkitkam thymmai ki kynthup ia u President u Gevanroy Suchiang, Vice President u Kampher Phawa, General Secretary u Michael Talang, Asst Secretary u Pynyoladmiki Dhar, Organising Secretary u Syiemki Supuh, Finance Secretary u Kynmo Phawa, Sport Secretary u Heihokmi Phawa, Asst Finance Secy u Phinku Shylla, Publicity Secretary u Rimi Phawa, Discipline Secretary u Paulus Syad bad la jied ruh sa 6 ngut ki dkhot jong ka Excutive Committee.
