Ka Office Commissioner of Persons with Disabilities ha ka jingiatreilang bad ka Meghalaya Urban Development Authority (MUDA) mynta ka sngi ki la pynlong ia ka prokram pynsngewthuh paidbah halor ka phang ‘Rights of Persons with Disabilities Act 2016’.
Ha kane ka phang la pynshai halor ka hok jong ki briew ba don jingduna ha ka jingiadei bad ka leit ka wan jong ki lyngba ki bus bad ki taxi. Kumta la ai ka jingpynsngewthuh sha ki nongñiah bus, ki nongbud bus bad ki nongñiah taxi kamai, ha ka jingialang kaba la pynlong ha U Soso Tham Auditorium, Shillong, ha kaba u I.W. Ingty, Secretary ka Social Welfare Department ula wan long Kongsan.
