U Deputy Commissioner (Supply), East Jaiñtia Hills District, Khliehriat ha ka jingpynbna khubor ba la pynmih u la pyntip paidbah ba la pyntymmai ïa ka dor jong ka Umphniang Sharak (S.K Oil), ïa ka dor ba thymmai jong ka kan treikam noh mardor na ka bynta u bnai Jymmang, 2025.
Ka dor dielang ha Jaiñtia Service Station ka long Rs.61.50 shi litre bad ka dor die khutia ka long Rs. 63.40 shi litre.
Ka dor dielang ha Sub-Depot Sutnga ka long Rs. 65.40 bad ka dor die khutia la buh ha ka dor Rs. 67.50 shi litre.
Ïa ka dor die khutia na ka bynta ki dukan die khutia (FSP) Centre kiba jngai palat 5 Km na ka jaka die lang ha Sub-Depot Sutnga yn buh da ka Vigilance Committee ba dei peit.
Kane ka hukum kan treikam mardor bad tad haduh ban da pynmih da kawei pat ka hukum, la pyntip shuh shuh u Deputy Commissioner