Ka Jaiñtia Students’ Union (JSU), sengkmie kala ïoh ban pynthymmai ïa ki nongkitkam jong ka, kaba la tip kum ka JSU Lakadong Unit, ha ka jingïalang kaba la long mynta ka sngi (16 tarik u bnai August, 2025), kaba la pynïaid da u Nevercare Passah, Chief Organising Secretary JSU Sengkmie.
Ha katei ka sngi la ïoh ïa ka jingkren na ki nongïalam ka seng kynthup ïa u Ryngkat Diengdoh, Vice President sengkmie, u Neilkee Mukhim General Secretary sengkmie bad la ïoh ruh ka jingkren na u Rangbah Shnong ka Lakadong u ma Chemphang Sayoo bad ha ka juh ka por ka JSU Lakadong Unit ka la ai sngewbha da ki Tin bret Ñiut (Dustbin) sha ka Shnong.
Ia ka jingpynbam smai ïa ki nongkitkam ba thymmai ka JSU-Lakadong Unit, la shim da u President Rangbah ka JSU u Samla Jersom Shylla.
Haba ai jingkren u samla Jersom, u la kyntu bad kitbok kitrwiang ïa ki nongkitkam kane ka Unit, Kumjuh ruh na ka liang ka JSU sengkmie kala ai mynsiem ïa kane ka JSU Lakadong Unit ba kan trei shitom bad trei shitrhem na ka bynta ka thaiñ Kupli Border Area, khamtam ba kin ïatreilang lang bad ki shnong baroh ha katei ka thaiñ ban peit pyrman ïa ka jingrung kyrthep jong ki mynder sha ka bri u hynnñiew trep bad ban khanglad ïa ki riew shi kabu kiba ju mlien ban pynrung beaiñ ia ki mynder shapoh ka bri u Hynñiewtrep ka Ri Jaiñtia.
Ki nongkitkam bathymmai jong ka JSU Lakadong Unit, ki kynthup, ia u President Thywill-bedone S Pala, Vice President Chanki Lapasam, General Secretary Pynhunlangmi Kanai, Assistant General Secretary Kermi Langbang, Education Secretary Preachwell Pala, Cultural Secretary Heipormi Langstang, Sport Secretary Precious Pala, Publicity Secretary Shiningstar Pala, Finance Secretary Laski Shylla ryngkat bad kiwei de ki Executive Member.
