Hadien bala pynbna ia ka tarik ban pynlong ia ka jingiajied ia ki nongmihkhmat sha ka ïing dorbar thawaiñ jong ka Jylla (Meghalaya Legislative Assembly) la pyntreikam ia ka Control Room hapoh ka District West Garo Hills, iathuh u Deputy Commissioner (Election), West Garo Hills, Tura.
Kane ka Control Room kaba la buh ka don hapoh ka jaka treikam jong ka District Disaster Management Authority Building, West Garo Hills, Tura ha ka kamra kaba 4. Ki phone number ki long 9233473074 (Mobile) bad 03651-222000 (Land line).
Ia kane ka Control Room yn khmih da u Emauel M. Sangma, MCS, Executive Magistrate ba dei ruh u BDO ka Selsella. Ki bynta kiba kane ka Control Room kan shakri ka long na ka bynta ka West Garo Hills Distrit baroh kawei.