Mynta ka sngi ki bor pynïaid District ka West Jaiñtia Hills kila ïa snohkti lang bad ka jylla hi baroh kawei ban rakhe ïa ka jingdap 51 snem ka ka jingioh jylla ba pura ha ka jingïalang kaba la pynlong ha Conference Room jong ka ophis u Deputy Commissioner, Jowai.
Ha kane ka sngi la ïadon lang naduh u bah B.S Sohliya, IAS, Deputy Commissioner, ka West Jaintia Hills, u Superintendent of Police u B. S Bikram, MPS, ma F.B Basan, MCS, ma M. A Challam, MCS, kong HML. Kynta, D.V Lyndoh, MCS, Additional Deputy Commissioners, bah W.K Kharbuli MCS Extra Assistant Commissioner, ki ophisar jong ki tnad sorkar ka District, ki nongïalam ñiam, nongïalam shnong bad ki kynhun seng bhalang.
Haba ai jingkren ha kane ka sngi u bah B.S Sohliya Deputy Commissioner ula kyntu ïa baroh ki ophisar jong ki tnad ka District ba kin long kiba ïatreilang kawei ka jingmut ha kane ka Election MLA 2023 ka ban long kaba long ha ka 27 tarik February, 2023. Ha ka juh ka por u kyntu ïa ki ophisar ba kin long kiba don ka jingkitkhlieh bad ka jingïatreilang ryngkat ryngkat bad ki bor pynïaid District.
Ka kong HML Kynta, MCS ADM ha ka jingkren kala ai ka jongbatai halor ka jingïoh jylla ba pura ka Meghalaya, da kaba ong ba kane ka sngi ka long kaba kyrpang ïa ki khlawait ka ri kiba ïakhun ban pynïoh ïa ka jylla ba para, kala pynsngew ruh ïa ki kam bala synñiang da ki nongshong shnong naduh ki nongïakhun laidluid ban ioh la ka jong ka jylla, ki riew shemphang, ki nongrep, nongpynwan dur, ki nongtrei sorkar bad ïa baroh kiba la ïarap ban kyntiew kynrong ïa la ka jylla hi baroh kawei.
Kala ong ruh mynta ka dei ka sngi sah jingkynmaw ïa baroh lang ki nongshong shnong namar ka jingïatylli lang kawei ban pynlong ïa ka jylla kum kawei na ki jylla kaba paw bha ha baroh ki liang.