Mynta ka sngi ki bor pyniaid jong ka Airports Authority of India (AAI) ba don ha kylleng ki bynta jong ka nongbah Shillong kila rakhe ia ka lyngkhuhsnem ba 28 ne ka 28th Annual Day of Airports Authority of India (AAI). Ia ka Airports Authority of India la thaw katkum ka Act of Parliament bad kala treikam naduh ka 1 tarik u April 1995 da kaba kdup lang ia ka National Airports Authority bad ka International Airports Authority of India.
Ha kane ka sngi u Airport Director ka Shillong Airport u Rishi Kant Bangwal u pule ia ka khubor ba la phah da u Chairman ka AAI hapdeng ka jingdon jong ki Heads of Department bad ki nongtrei jong ka AAI, Shillong.
Ka Airports Authority of India ka dei ka Mini Ratna Public Sector Enterprise hapoh ka Ministry of Civil Aviation jong ka sorkar India. Ka AAI ka pyniaid ne peit ia ki 137 tylli ki Airport, kiba kynthup 24 tylli ki International Airport, 10 tylli ki Customs Airports, 80 tylli ki Domectic Airports bad 23 tylli ki Domestic Civil Enclaves ha ka lain iada ri.