Ka Jaiñtia Network for Positive People (JNP+) shi bynta na ka jingleh burom ïa kiba la khlad na ka jingpang HIV/AIDS, ha kane ka 24 tarik u Jymmang kila pynlong ïa ka jingthang mombati ha Shangpung Presbyterian Higher Secondary School, Shangpung. Ha kaba ki dkhot Memberships jong ka JNP+ kiba don 200 tam eiei kiba wan sha kane ka jingïalang.
Ka phang jong ka International AIDS Candlelight Memorial Service 2024 mynta u snem ka ong “Together We Remember, Together We Heal, Through Love and Solidarity.” Na ka liang ki nongkren ha kane ka sngi naduh i Sandy Tariang jong ka Meghalaya AIDS Control Society ila pynsngew halor ka jingdon ki briew kiba ktah ïa kane ka jingpang HIV/AIDS hapoh ar tylli ki Districts ka Jaiñtia Hills. Shuh shuh ula ong kane ka jingpang kam lah bah ban kiew namar kiba bun na kiba la dep test kim shem don ïa une u jingpang.
Ka Sunita Suna, Project Officer of AHANA, East Jaiñtia Hills, kala kren halor ka jingsaphriang jong kane ka jingpang lyngba ki briew kiba don ïa u khniang jingpang, u Dr. H.H. Mohrmen, Secretary ka Society for Urban and Rural Empowerment (SURE) ula kren shaphang ka jingdonkam ban pynlong ïa kane ka jingthang mombati bad ban pynsngewthuh ïa kiwei shaphang kane ka phang, i Bari Leslie Kharmalki, Treasurer naka Meghalaya State Network of Positive People, ila ai ïa ka jingbatai ba kham bniah halor kane ka prokram.
Hadien kane ka prokram baroh kiba la wan sha ka jingïalang kila shim bynta ban thang ïa ki mombati bala lam khmat da i PR Marwein bad ila buh ruh haka jingduwai.
Kiwei de kiba ai jingkren ki kynthup naduh i PR Marwein, Chairman ka SMC bad Chairman ka Meghalaya Public Service Commission, Heimonmi Iakai, Principal of Presbyterian Higher Secondary School, Shangpung bad R. Siangshai, General Secretary of JNP+.
Ïa ka jingïalang la pynïaid da i Lewatki Daroi Smain, Vice Principal. Shi bynta na ka result bala dep pynbna da ka MBOSE haka SSLC, uwei na ki khynnah pule jong ka skul ula ïoh rung haka top 20 bad na ka liang ka skul kala leh burom kumjuh halor kane ka jingjop jong u.
