Kum shi bynta na ka jingrakhe ia ka ‘National Disaster Reduction Day 2025’ ka ophis District Disaster Management Authority (DDMA), East Jaintia Hills District mynta ka sngi kala pynlong ia ka prokram ban pynkhreh bad iada lada wan jia kino kino ki jinglynshop mariang, ha Conference Hall ophis u Deputy Commissioner, East Jaintia Hills District, Khliehriat.
Ha kane ka prokram la wan ban iadon bynta lang da ka Additional Deputy Commissioner & Chief Executive Officer (CEO), District Disaster Management Authority (DDMA), East Jaintia Hills District, ka kong J.U Kharpuri, MCS, ha ka jingiadon lang u Additional Deputy Commissioner, East Jaintia Hills District, S. R Marak, MCS, Assistant Commissioners, East Jaintia Hills District, Smti. E. D. Shira, MCS bad Smti. E.A. Sangma, MCS, District Disaster Management Officer (DDMO), East Jaintia Hills District, kong Donna L. Kharkongor, Research Officer, Planning Branch, East Jaintia Hills District, bah S. Marwein, Centre Commander, Civil Defence& Home Guards, East Jaintia Hills District, ma Y. Challam, Fireman, Fire & Emergency Service, East Jaintia Hills District, ma H. M Lamare, ki nonghikai bad ki khynnah skul.
Shi bynta na kane ka prokram kala don ruh ka jingiakop thoh Essay da ki khynnah skul jong ka District. Ha ka jingiakop thoh Essay ia ka nam ba nyngkong la ioh rah da u Gourav Roy na ka skul Ambrose Memorial Secondary School, Khliehriat ryngkat ka song pisa ba Rs.2000/-, ka Suhana Paul na ka juh ka skul ka la ioh ia kynrdan kaba ar ryngkat ka song pisa ba Rs.1500/- bad ia ka kyrdan kaba lai la ioh da u Ayush Ahmed na ka Khliehriat Higher SS, Khliehriat ryngkat ka song pisa ba Rs.1000/-. Ha ka jingiakop Drawing ka Nafia Begum na ka Ambrose Memorial SS, Khliehriat kala wan ba nyngkong, u Rang Kynsai Lamare na ka Khliehriat HSS, Khliehriat ula wan ba-ar bad u Prince Poudel na ka Ambrose Memorial SS, Khliehriat ula wan ba-lai. Kiba jop kila ioh mar Rs.2000/-, Rs.1500/- bad 1000/-.
