Ka ophis jong ka Senior Dairy Officer, Jowai, kaba don ha Mooralong Jowai, mynta ka sngi jong ka 26.11.2024, ka la rakhe ia ka sngi kaba la tip kum ka National Mild Day, ia kaba la pynlong ha phyllaw jong kane hi ka ophis. Ha kaba ka kong DV Lyngdoh Assistant Deputy Commissioner West Jaiñtia Hills District, ka la long kum ka kongsan, ha ka jingiadonlang ka Dr N. Marbaniang District AH & Veterinary Officer, West Jaiñtia Hills District, ki nongri masi pynmih duh bad kiwei de.
Ha kane ka sngi ia ka jingkren pdiang la ioh na ka kong M. Shylla, Senior Dairy Officer, West Jaiñtia Hills District. Ha kaba ha kane ka sngi la pynkup burom ruh ia ar ngut ki Progressive Dairy Farmer ne ki nongri masi pynmih dud ba khambun napoh kane ka District, kiba kynthup ia u ma Robinus Saioo 42 snem, uba long ruh u Chairman jong ka Manroilang Multipurpose Cooperative Society Ltd ha ka shnong Mulieh.
Kumjuh ruh ia u ma Banteishaphrang Muskot 27 snem, uba long ruh u dkhot kae Banteilang Dairy farming Cooperative Society Ltd, ha shnong Mukroh West Jaiñtia Hills Districts.
Ka Dr Marbaniang, haba kren mynta ka ai ka jingpynshlur ia ki nongri masi pynmih dud bad nangtrei shitom ban nangiai pynbun shuh shuh ka jingpynmih bad kyntu ruh ia kawei namar kum ki nongtrei ha kane ka kam ki long kiba kongsan ym tang na ka bynta lade hynrei ka long kum ka jingshakri ia kiwei pat ki para briew. Ka la pynkynmaw ruh ia ia kane ka sngi kaba long ka lyngkhuh sngi kha u Dr. Verghese Kurien ïa uba la tip kum u kpa jong ka White Revolution, kaba lyngba une u briew la tip bad ithuh ia kane ka sngi.
Ka kong Lyngdoh, haba kren kum ka kongsan ka la ong ba ka jingrakhe ia kum kane ka sngi ka long baroh ngi tip ba ka dud ka long kaba donkam ym tang ia ki khunlung hynrei ia kiba rangbah bad kiba la tymmen ruh. Na ka liang jong ka, ka la air uh ka jingiaroh ia ki nongri masi pynmih duh napoh kane ka district bad ka kyntu ruh ia ki, ba kin nangpynbun shuh shuh ka jingpynmih ia ka dud khnang ba kane ka district kan long kaba lah ban pyndap ia ka dud kat kum ka jingdonkam, shuh shuh na ka dud lah ruh ban pynmih shibun kiwei de ki jait jingbam kiba tei kum ka Yogurt, Makhon, Cheese bad kiwei de bad kane kan wanrah ka jingiohnong ia ka district lada lah ban pynmih shibun ka dud, ka la ong.
Ha kane ka sngi la sam ruh ia ki khusnam sha ki nongjop ha ka jingiakop Quiz bad Extempore Speech, ha ka jingiakop Quiz ia ka kyrdan nyngkong la ioh da ka Sursum Cerda Lakiang bad ka Olvia Kyndait na ka Government Girl Higher Secondary School, ba ar da ka Bandana Rai bad ka Sophia Dhar jong ka Kiang Nangbah Higher Secondary School, Jowai bad b alai da ka Kynshew-Mame Siangshai bad u Vanlal Darnei jong ka Thomas Jones Higher Secondary School Jowai.
Ha ka jingiakop Extempore Speech pat ia ka kyrdan ba nyngkong la ioh rah da ka Fenia Sari na ka Dr. Norman Tunnel Hospital School of Nursing, baa r da u Odawanlangki Sutnga na Kiang Government College, Jowai bad ba lai da ka Ngaitkimaya Sari na Shangpung College, Shangpung.
La pynphuh phynphieng shuh shuh ia kane ka sngi da ki jingrwai bad jingtem kiba la shim bynta da ki nongtrei katei ka ophis bad ki jingrwai bad tem na u G. Plain.