Ia ka 12th National Voters’ Day la rakhe mynta ka sngi ha West Jaintia Hills District ryngkat ka ri India hi baroh kawei. Ia kane ka jingrakhe la sdang da ka Cycle Rally kaba la pyniaid da ka ophis jong u Deputy Commissioner (Election) ka District ha ryngkat ka jingiatrei lang bad ka ophis District Sports Officer West Jaintia Hills District Jowai.
Ia kane ka Cycle Rally la kaweh lama da ka kong D.D. Syngai, MCS, ADC (Election), ha kaba la shim ruh ia ka jingbamsmai ha shwa ban sdnag ia ka rally.
Ia ki prokram jong kane ka sngi (National Voters’ Day) la pynlong ha District Library Auditorium Mynthong, Jowai ha ka jingdon ryngkat u DC ka West Jaintia Hills District u ma Garod LSN Dykes, IAS, ka kong DD Syngai, MCS, u Isagahah Lawrniang, MCS EAC bad kiwei de ki ADC bad EAC jogn ka District.
Ia kane ka prokram la sakhi lang ruh da ki Waheh Shnong jong ki dong bad shnong bapher ka nongbah Jowai, ryngkat ki seng saiñ hima sima bad kiwei de kiba shah khot sngewbha.
Ia ka jingialang la pyniaid da I kong DD Syngai iba la pdiang sngewbha ia baroh kiba la poi sha kane ka jingialang kaba la ai ruh ia ka jingkren lyngkot halor ka National Voters’ Day. Ka la don ruh ka jingai burom ia u Ioomainki Garod kum u District Icon, ia u First Joy Lamare kum u BLO Icon bad ia ki nongthep vote ba dang thymmai da u DC.
Ka la don ruh ka jingsam ia ki khusnam sha ki nongjop ha ka Onlice Video Clip Competition bad ka Quiz Competition kaba la pynlong ha u bnai Risaw 2021
La pynkut ia ka jingialang da ka jingkren ai khublei jong u Isagahah Lawrniang, MCS, EAC (Election) West Jaintia Hills District, Jowai.
Ia kane ka juh ka sngi la rakhe ruh ha baroh 215 tylli ki Polling Station jong ki saw Assembly Constituency jong ka District ba kynthup ia ka AC-1 Nartiang, AC-2 Jowai, AC-3 Raliang and Ac-4 Mowkaiaw kaba la pyniaid da ki Booth Level Officer (BLO).
