Ka Office jong ka District Social Welfare Officer, West Jaintia Hills District, Jowai ka la rakhe ia ka International Day of Person with Disabilities 2023 mynta ka sngi ka 4 tarik u bnai December 2023 ha kapor 10 baje mynstep ha Syiem Jingsuk Secondary School, Lai Lyngdoh Hall, Amlarem Sub-Division, ha kaba u Bah H. Pohthmi, MDC War West, Deputy Chairman JHADC u la long u kongsan. Ka Theme ne phang pdeng jong ka International Day of Person with Disabilities ha une snem ka long “United in Action to rescue and achieve the SDGs for, with and by persons with disabilities”.
Ia kane ka programme la pyniaid da u bah E. Kyndait, LDA jong ka Office DSWO.
La ai ka jingkren pdiang da I kong R. Passah, DSWO ha kaba i la pynshai shaphang kane ka sngi ba kane ka sngi kadei ka sngi kaba la leh burom ha baroh shityllup ka pyrthei na ka bynta ki briew kiba don jingduna ha ki dkhot met. I la ong ruh ba ka sorkar ka don ki scheme ba kyrpang na ka bynta kiba duna ha ka dkhot met, kumta i la kyntu ia ki kmie ki kpa ba lada don ki khun kiba don jingduna ha ki dkhot met jong ki, ki dei ban leit sha ki Nodal Hospital khnang ba kin ioh ia ka Disability Certificate ban leit mih sha ki Office sorkar ban ioh ia ka jingiarap na ka sorkar.
Ha kane ka programme la ioh ia ka jingkren na i kong Aidiam M. Kassar, Psychologist Manager, DRCDA halor ka Scheme & Services for persons with Disabilities, na u ma L.Khonglah, Advocate Jowai Bar Association halor ka Right of Persons with Disabilities bad na i kong P. Chyrmang, Office Assistant, ICDS, bad na i kong M. Lapasam, Mukhya Sevika, BDO Office.
U kongsan ha ba ai jingkren u la kyntu ia kiba duna ha ka dkhot met ban long kiba shlur bad kiba trei shitom wat la ki don ka jingduna ha ka dkhot met. U la kyntu ruh ia ki longkmie longkpa ki ba don ki khun kiba duna ka dkhot met ba kim dei ban lehrain, hynrei ki dei ban mih shakhmat ban ialam sha ki Office sorkar ba kin ioh jingiarap na ki Scheme sorkar kiba pher ba pher.
La pynkupburom ia ki arngut kiba don jingduna ha ka dkhot met da kaba ai ia ki Momentus sha u bah Kalvin Suting, na ka shnong Moosakhia bad ia u bah Nicholas Khonglah, Lai Lyngdoh.
Ha kane ka jingrakhe la don ka Medical Checkup (General) bad la pynlong ruh ka jingialehkai na ka bynta kine kiba duna dkhot met kum ka Musical Chair, Spoon marbel race bad kiwei kiwei, ha kaba la sam ia ki Price ia kiba iashim bynta. La ai ka jingkren aikhublei da i kong. N. Sutnga, UDA DSWO, Jowai.
