Kumba long lem ha baroh shityllup ka Ri India, ha Jowai mynta ka sngi 15 tarik Nailar la rakhe ïa ka sngi ïoh jinglaitluid ba 78th snem jong ka Ri ne ka “78th Independence Day Celebration, 2024”.
Ha Jowai la pynlong ïa ka prokram ha madan Jrisaleiñ bad ïa ka lama lai rong jong ka Ri la pynher da u A. T. Mondal u myntri ba dei peit ïa ka tnad bording.
La ïoh ruh ïa ka jingïaid March Past bala shim bynta da ki 32 tylli ki Contingents kynthup naduh ki pulit bad ki khynnah skul, la don ruh ki jingshad bad rwai tynrai, ka jingsam ïa ki khusnam nalor kiwei kiwei de.
Ka jingrakhe ïa ka sngi ïohlaitluid ka ri ha Jowai kala long kaba iphuh iphieng bha, da ka jingwan sakhi lang jong ki paidbah nongshnong shnong.
