Ka ophis jong ka District Legal Services Authority (DLSA) WJHD Jowai ha ryngkat ki bor pyniaid District mynta ka sngi kila pynlong ia ka jingiaphylliew jingmut lang halor ka phang kaba ong ‘A talk on the SDG Programme & the 2030 Agenda of the United Nations’ shi bynta na ka jingrakhe ia ka ‘United Nations Day’ ba la pynlong ha Conference Hall jong ka ophis u Deputy Commissioner West Jaiñtia Hills.
Kane ka prokram kaba long ruh shi bynta na ka ‘Pan India Awareness and Outreach” ka Azadi ka Amrit Mahotsav (AKAM) bad ‘Legal Services Week’ jong ka ophis DLSA.
Ia ka jingialang la pyniaid da ka Chief Judicial Magistrate – Cum – Secretary DLSA kong R.M. Kharsyntiew ha ka juh ka por ka la pdiang sngewbha ia baroh kiba wan sha kane ka jingialang.
La ioh ruh ka jingkren na u AS Mukhim Additional Deputy Commissioner uba la pynsngew ba baroh ki nongtreikam sorkar ki dei ban pyntreikam hok ia ki skim bapher bapher khnang ba yn lah ban pynkiew ia ka ri ha baroh ki liang. Ula pynsngew kum ki nongtrei ophisar sorkar kin pyrshang ban trei da kaba buh ia ka thong ban pyndep katkum ka por ba la buh.
Ha kane ka sngi la don ruh ka jingpyni ia ka jingbatai lyngba ‘Power Point Presentation’ na ka kong Hessed Thabah bad u Arijeet Debnath ki Consultant ka Planning Department. Kiwei de kiba ai jingkren ki kynthup ia ka kong DD Syngngai, ADC katba ia ki kyntien ai khublei la ioh na ka Muktiar jong ka Jowai Bar Association kong Sunita M. Sayoo.
