Ïa ka World AIDS Day 2024 la rakhe mynta ka sngi 04.12.2024, ha Khliehriat EJHD ha ka jingïalang ba la pynlong da ka Mihmyntdu Community Social Welfare Association (MCSWA) ryngkat ka jingïatreilang bad ka Meghalaya AIDS Control Society (MACS), Shillong, bad ka District Legal Services Authority (DLSA), East Jaiñtia Hills District. Ia kane ka jinialang la pynlong ha Khliehriat West Community Hall.
Ha kane ka prokram la wan ïashim bynta da u Sub-Divisional Officer (Sadar) ka East Jaiñtia Hills u Aditya Verma, u District Medical & Health Officer (DM&HO) Dr. D. Shylla. U Verma haba kren u la ban jur ia ka jingdonkam jong ka jingpynsngewthuh paidbah bad ka jingshim bynta lang jong ki paidbah ha ka ban ialeh pyrshah ia ka jingpang HIV/AIDS, da kaba khot ne pynlong ia ka jinghikai kaba kham heh kiba lah ban ai jingmyntoi ia ki paidbah. U la pynpaw ruh ïa ka buit treikam jong ka UNAIDS’ 95-95-95 kaba thmu ban pynkut noh ïa ka jingpang HIV ha u snem 2030.
U Dr. Shylla u la kren, da kaba kyntu ïa ki briew shimet ban leit test bad shim ïa ki lad jingïada ban tehlakam ïa ka jingsaphriang jong u khniang jingpang HIV, da kaba shikhia ïa ia ki lad bala bthat ka sorkar na ka bynta ka jingiada ia ka jingpang HIV. Kiwei kiba la ai jingkren ki long u Dr. J. Nongtdu, u Dr. D. Nongpluh, bad u Ajoy Lanong na ka MACS.
Ha kane ka jingïalang la pyni ruh ïa ka jingïalehkai lyngkot da ki dkhot jong ka Self Help Group bad ka jingïakop extempore da ki ASHA, kaba kyntiew ïa ka jingpynsngewthuh shuh shuh sha ki paidbah.