Ka Ophis District Legal Service Authority, West Jaiñtia Hills District ha ryngkat ka jingïatreilang bad ka ophis Deputy Labour Commissioner bad ka ophis u BDO Thadlaskeiñ C&RD Block, hynnin ka sngi kila rakhe ïa ka World Day Against Child Labour ha Hall jong ka Thadlaskeiñ C&RD Block, Thadlaskeiñ, West Jaiñtia Hills District.
Ha kane ka prokram i Secretary District LegalServices Authority kong B. Majaw, MJS, kala batai shaphang ka skim na ka bynta ki khynnah kiba wan na ka longïing ba duk ba kin ïoh jingïarap ban bteng ïa ka jingpule ba shalor, kala batai ruh halor ka hok bad ki lad jingïada ïa ki khynnah, haka juh ka por ka kyntu ïa ki kmie ki kpa ban phah skul ïa ki khun jong ki bad ban leit mih sha ka District Legal Service Authority ha Khlihetyrshi ban tip khambniah shaphang ki skim kiba lah ban ïoh jingïarap.
U Legal Aid counsel Bah R. Lyngdoh ula ai jingbatai halor ka Child Labour (Prohibition & Regulation) Act 1986 ka ba khang pyrshah ban pyntrei ïa ki khynnah rit hapoh ka rta kaba 14 snem la ha kino kino ki kam.
Ka Labour Inspector kong B. Toi kala pynsngew ba ka tnad Labour ka don ka bynta kaba khraw eh ban jurip bniah ïa ka jinglong jingman ki khynnah kiba hapoh ka rta 14 snem, khnang ba kin ïoh ïa ka hok bad ka lad jingïada kum ki khynnah. Ha kane ka sngi la don lang da ka kong Violet Rose Talang, Junior Development Officer, Thadlaskeiñ C&RD Block office, Thadlaskein.
Ïa ka prokram la pynïaid da ka kong S. M Saioo, Legal Aid Counsel, katba u ma D. Rymbai, Staff DLSA ula ai ïa ki kyntien ai khublei.