Mynta ka sngi ka tnat Fisheries jong ka sorkar Jylla kala ioh ban rakhe lem ia ka sngi pynneh pysah ia ki dohkha dohpnat ha shityllup ka pyrthei ne ka World Fisheries Day bad la pynlong ia ka prokram ha ophis Directorate of Fisheries, Shillong.
Ha kane ka prokram i kong I. Mawlong iba dei i Joint Secretary Fisheries Department ila long i kongsan. Na ka liang i kongsan ila ioh ban sam ia ki kali ar-shaka (Motro Bike) kiba donlang bad ki Synduk buh thah (ice-box) sha ki nongri dohkha jong ka jylla.
Kumjuh ruh i kong Mawlong ila ioh ban sam ia ka khusnam Best Producing Farmer sha u bah B. Shylliang na Ri-Bhoi District. Bad la sam ruh ia ki jingbam dohkha sha i kong Ribakordor Syiemlieh na Easth Khasi Hills District.
Ha kane ka prokram la ioh ruh ka jingkren na ki ar ngut ki nongri dohkha kiba la pynpaw ia ka jinglap jong ki ha kaba iadei bad kane ka kam ri dohkha. Kine ki rangbah kiba la ai jingkren ki kynthup ia u bah B. Lyngdoh uba napoh East Khasi Hills District bad u A. Marak na West Garo Hills District.
