Mynta ka sngi ka Meghalaya Bharat Scouts and Guides kala pynlong ia ka jingrakhe ia ka “World Founder’s Day and World Thinking Day” kaba kynmaw ia ka sngikha jong u nongseng jong ki Scout u Lord Baden Powell bad ka Lady Olave Baden Powell kaba dei ka lok jong u, la rakhe ia ka halor ka phang pdeng “Our World, Our Equal Future: the environment and gender equality”.
Ia kane ka prokram la pynlong ha State Headquarter jong ka Meghalaya Bharat Scouts and Guides ha nongbah Shillong. Ha kane ka sngi u bah Kenneth Kharkongor uba dei u State Commissioner (Scouts) ula long u kongsan ha ka jingiadonlang ki dkhot jong ka Meghalaya Bharat Scouts and Guides.
Haba ai jingkren u bah Kenneth u la ban jur ia ki samla ban iakhun na ki jingma ba mih na ki plastic bad ula kyntu ia ki ba ki dei ban wan rah ia ka mariang kaba khuid ba suba bad ruh ban pyndonkam ha ki rukom ba dei ia ki kynja plastic.
Ha kane ka sngi la ioh ruh ia ki jingrwai na ki dkhot jong ka State Youth Committee jong ka Meghalaya Bharat Scouts and Guides.