Mynta ka sngi ka State Project Office, State Education Mission Authority of Meghalaya, Shillong ryngkat bad ka Meghalaya Bharat Scouts and Guides, Shillong Headquarter kila pynlong ia ka prokram rakhe ia ka World Literacy Day 2021 ha Auditorium Hall jong ka Meghalaya Bharat Scouts and Guides Headquarter, Shillong. Ha kane ka sngi u bah D.P. Wahlang, IAS u ba dei u Additional Chief Secretary ka sorkar jylla u ba dei peit ia ka Education Department & State Mission Director, SEMAM (SSA) u la long u kongsan.
Ka phang pdeng jong ka World Literacy Day mynta u snem ka dei “Literacy for a Human- Centered Recovery Narrowing the Digital Divide”
U bah Wahlang ha ba kren ha kane ka sngi ula ong ba ka mat ba donkam eh jong kane ka prokram ka long ban ai ka jinghikai shaphang ka jingdonkam jong ka jingnang jingtip ha man la uwei ba ka wei na ki nongshong shnong ka jylla bad ruh ban ñiew ia ka kum ka hok longbriew manbriew. U la ban jur ba dei ban pynioh ia ka jingnang jingstad sha baroh ki nongshong shnong bad khamtam ruh ban pynpoi biang ia kito ki khynnah kiba la pep skul shiteng por. U bah Wahlang ula iaroh ia ka jinglah jong ka tnad pule puthi ban pynioh ia kaei kaba la duh noh na ka jingktah jong kane ka khlam Covid-19 mynta la ar snem ha kaba ka la pyndonkam da ki juk jong ka jingstad ba mynta ban ai ki jinghikai sha ki khynnah skul.
U la pynpaw ba ka don ka jingeh shisha ban ai jinghikai lyngba ki online class namar kiba bun ki khynnah skul wat ha sor ruh ki dong tang kumba 50-60 % ha ki UP kiba lah ban pyndonkam ia ka online, ha nongkyndong lei tang 20-25 % kiba ioh myntoi. Kumta u ong ba ka long kaba i donkam haduh katta katta ban plie noh ia ki skul wat hapdeng ka jingdon jong kane ka khlam ruh namar ka jingduhnong palat jong ki khynnah skul. Ula pynkynmaw ba mynta ka kynti ka sorkar Pdeng lyngba ka skhim “Foundational Learning and Numeracy” kaba wan lyngba ka SSA kan sa pynkhlaiñ ia ka jinghikai ia ki khynnah rit haduh ka klass kaba 3 ha kylleng ka ri India.
Ha kane ka sngi kala don ruh ka jinghikai halor ka Free and Compulsory Education katkum ka Right to Education Act 2009 ba la ai da u T.T.M. Sangma u Special Officer jong ka Meghalaya State Legal Services Authority. Ka don ruh ka jinghikai halor ka jingsniew jong u duma kaba dei shi bynta na ka Tobacco Free Educational Institution Programme kaba la ai da i Dr. Lana L Nongbri, State Nodal Officer Tobacco Cell, Health Department.
Kiwei de kiba ia don lang ha kane ka prokram ki long u Shri A. Ch. Marak, Secretary Education to the Government of Meghalaya & State Project Director, SESAM (SSA), Smti A. Swer, Secretary MBSG, Shillong, nalor kiwe de.