Ki riew ieit jingrwai jong ka West Jaiñtia Hills District mynta ka janmiet jong ka 21 tarik kila wan poi sha District Library Aditorium, Mynthong Jowai na ka bynta ban rakhe ïaka sngi jong ki sur jingrwai ne ka ‘World Music Day’ ba la pynlong da ka ophis jong u Deputy Commissioner ryngkat bad ka District Society for Arts and Culture, West Jaiñtia Hills District.
Ha kane ka jingrakhe lehkmen la wan ban ïashim bynta da ki nongrwai nongput ba paw bad ki kynhun kynthup ïa ki Kenneth Anderson Iakai, Armanki Nikhla, Padu Bloozy, Lynx, Rophilang Lyndoh, Seinkyntu Seinraij Khatar Daloi, Nongtalang Rongkhla troupe, Chandanga School Music, Harmonium (Traditional and fushion Music group) u Player Suna bad ka kynhun, na ka kynhun jong ka Government Boys Higher Secondary School, Kiang Nangbah Government College, Jowai bad na ka Thomas Jones Synod College, Jowai.
Kala don ruh ka jingpynbyrngia ba la ai da ka kynhun Chiiung.
Ha kane ka sngi la pyninam ruh ïa ki jingriewspah jong ka District ha ki liang jong ki tiarpud tiartem tynrai bad ka rukom pyndonkam ïa ki.
