Ia ka ‘International Yoga Day’ kaba 8 mynta ka snem la rakhe ha kylleng ki bynta jong ka West Jaintia Hills. Ha nongbah Jowai ka Art of Living Jaiñtia Hills Unit ha ryngkat ki khynnah skur hapoh ka West Jaiñtia Hills kila kynmaw burom ia ka ‘International Yoga Day’ mynta ka sngi ha Pohmusiang UPS SSA ha ka jingdonlang ki dkhot ka Nehru Yuva Kendra Sangathan, Jowai bad ki dkhot ka District Legal Services Authority, West Jaiñtia Hills District.
Na ka liang u Kamnipaya Challam, Yoga Instructor Art of Living Jaiñtia Hills Unit ula shim bynta ban pyni ia ki rukom kilan Yoga kumjuh ïa ka Asana, Surya Namaskar, Pranayama bad ka Meditation, ula ong ba ka Yoga kan wanrah ia ka koit ka khiah ha ka jingim u briew.
Ha Mihmyntdu ka RC. Eve Secondary School, ha ryngkat ka Children Home, Jowai kila pynlong ïa ka International Yoga Day, hashwa kane la don ka Awareness Programme bala ai jingkren da ka kong Tina Lakiang, Secretary SMC kumjuh na ka Esalanmidaka Lyngdoh, Superintendent Children’s Home, Jowai bad ka Panbiang Kyndiah (Yoga Teacher).
Hapoh ka Laskeiñ Block la kynmaw burom ia kane ka sngi da ka Seiñraij LPS SSA, Mukhap, Umsalait Banmuhor LPS SSA, Saphai Kympreng LPS SSA, Pynthorsuwei LPS SSA, katba ha Amlarem Block ki long ha Muktapur Bengalee Govt. LPS, Muktapur Bengalee UPS, Manghairyum UPS SSA, Shnongpdeng Govt. LPS bad ka Manghairyum LPS.
