Ki bor pyniaid District lyngba u Deputy Commissioner bah B.S Sohliya, IAS ha ka jingrakhe jingiohlaitluid ka ri mynta ka sngi ha Jowai kala ai ia ki khusnam pynkup burom sha ki jaka sumar kiba don hapoh West Jaiñtia Hills District halor ka jinglah jong ki ban wanrah ia ka jingkhuid jingsuba bad ka jinglah ban ai ka jingshakri lyngba ka jingsumar kaba stet bad ka jinglah ban wanrah ka jingiadei hapdeng ki nongpang.
Kine ki jaka sumar kiba la shah pynkup burom hapoh ka thup jong ka Kayakalp Award ki long ka Jaraiñ PHC kaba la ioh ka ka nam ‘Best Winning PHC’, ka Iooski kaba la ion ia ka nam ‘Commendable PHC’ bad ka ‘Best Winning UPHC’ kaba la ioh ban rah da ka Urban Primary Health Centre Loomkyrwiang hapoh ka Urban Public Health Centre.
Ka skhim Kayakalp kadei kaba peit ia ka jinglah jong ki jaka sumar ban pynioh ia ka sawdong sawkun kaba khuid ba suba bad ban khring ia ka jingiajan jong ki nongpang bad ki jaka sumar nalor ka jingai jingshakri kaba bha tam ia ki nongpang.Nalor kine la sam ruh ia ka khusnam sha ki Psiar Sub Center halor ka ‘Reproductive & Health Indicators’, ka Mynska Sub Centre halor ka ‘Communicable Disease and Non-Communicable disease indicator’ bad ka Narting PHE halor ka jingpyntrei bha ia ka ‘MHIS & PMJAY scheme’.
