Ka ophis District Tuberculosis Officer, Jaiñtia Hills ha ka jingiatreilang bad ka Star Cement Limited, Lumshnong hapoh ka CSR initiatives jong ka, kila pynlong ia ka jingsam bam hapoh ka ‘Community Support Scheme for TB Patients’ ha ka prokram ba la pynong ha Khliehriat CHC mynta ka sngi.
Ha kane ka prokram la iadon lang ka District Tuberculosis Officer, Jaiñtia Hills, Dr. E.B.V Laloo, Medical Officer in-charge Khliehriat CHC, Dr. Iohbor Rymbai, Manager-CSR, Star Cement Limited, Lumshnong, u Kingshok K. Borah bad kiwei de ki riew pawkhmat.
Kiba la ai jingkren ha kane ka prokram ki kynthup ia ka Dr. EBV Laloo, u Kingshok K Borah, u Dr. Iohbor Rymbai bad u Linus Manner.
Hadien jong ka prokram la sam ia ki jingbam ba tei met sha ki 43 ngut ki nongpang TB ba kynthup ia u Khaw, ka umphniang, ki pylleng bad kiwei de.
Kane ka prokram ka long shi bynta ban pynsngewthuh shaphang ka ‘National Tuberculosis Elimination Programme’ bad ka ‘Pradhan Mantri TB Mukh Bharat Abhiyan (PMTBMBA), kiba dei ki prokram jong ka sorkar India kiba trei ban pynduh jait noh ia ka jingpang TB napoh ka ri baroh kawei.
