Da ka jingthmu ban ai ka jingpynsngewthuh sha ki paidbah shaphang ka National Tuberculosis Elimination Programme bad ka jingpyllait thymmai ia ka Pradhan Mantri TB Mukt Bharat Ahiyan (PMTBMBA), ka Corporate Social Responsibility (CSR) jong ka Star Cement Ltd ha ryngkat ka jingiatreilang bad ka ophis jong I District Tuberculosis Officer, Jaintia Hills District, Jowai kila pynlong ia ka jingsam jingbam sha ki nongpang TB ha Pamra Paithlu PHC ha East Jaiñtia Hills District.
I Dr. E.B.V. Laloo iba dei I District Tuberculosis Officer, Jaintia Hills District Jowai ila ai ka jingbatai lyngkot shaphang kumno ban ithuh bad ki lad jingpynkoit ia ka jingpang TB. Ila ong ba kane ka jait jingpang ka long kaba kloi bha ban iabit lyngba ka lyer haba jyrhoh ne synriah u briew ba don ia kane ka jingpang, na kata ka daw ka long kaba donkam haduh katta katta ban phong ia ki mask ban iada na ka jingsaphriang jong kane ka jingpang.
Ka Dr. Laloo kala kyntu ia baroh ki nongpang TB ba kin long kiba minot ban dih dawai bad ruh ban leit phah test barabor. Ia ki test lah ban leh mynta ha Khliehriat Civil Hospital bad ha Sutnga CHC.
Kala don ruh ka jingshim kular da ki nongtrei ka tnat ka koit ka khiah ban pynlong ia ka ri India kaba lait na ka jingpang TB hapoh u snem 2025. Hadien kane kala don ka jingsam ia ki 7 jait ki jingbam tei met bad ki borti sha ki 20 ngut ki nongpang kiba don ha Pamra Paithlu PHC, East Jaintia Hills District da I Dr. Laloo.
