Mynta ka sngi ka EJNC Jalaphet Unit hapoh ka jingialam jong u Asstt. Secretary u Nol Chyrmang ka la leit ban buh jingujor ha ka ophis treikam jong u EE ka MePDCL halor ka jinglip lait ha ka shnong Jalaphet kaba la jia naduh ka sngi Saitjaiñ jong kane ka taiew ba la lah.
Ha ka jingiakren jong ka Seng bad u EE ula pynpaw ba ka daw jong ka jinglip ne duh lait ha katei ka shnong ka dei na ka jinghap jong uwei u Post lait uba don ha shnong Narwan uba dei ban pynpoi bor ding sha shnong Jalaphet.
Kumta na kaliang ka seng kala dawa na utei u sahep ba dei ban pynshna noh mar mar ia uteiu Post lait uba la khyllem, khnang ba ki paidbah kin ym shem jingeh halor kane ka jinglip bor ding.
Na ka liang jong u EE ruh ula kular ban leh ia kane bad phah noh ia ki nongtrei jong u ba kin pyndep kloi ia kane ka kam bad lada ka long kaba lah ban pyndep noh mynta hi ka sngi, ula ong shuh shuh.