Ka Elaka Lakadong Sports Association (ELSA), East Jaintia Hills District ka la plie pyrda biang ia ka 3rd ELaka Lakadong Knockout Football Tournament 2023-24 ha ka sngi 18/11/2023 ha Shnong Lakadong Umlatdoh da i Kongsan Bah M. Phawa ryngkat i Bah R. Dkhar bad ka jingiadonlang naduh u Dolloi Elaka O.Shadong, ki nongkitkam jong ka Association, ki Waheh shnong /Secretary Shnong.
U Kongsan ma Phwa haba ai jingkren ha kane ka sngi u la kyntu jur ia ki khun samla ban ieit ia ki jingialehkai khnang ban na lait na kino kino ki kam sniew ba bun jait khamtam ban kiar na u drok uba la jyllei bha ha kine ki sngi bad ha ka juh ka por u kitbok kitrwiang ia baroh ki team kiba iashim bynta ha kane ka Tournament ba kin ialehkai bha.
Kiwei de kiba ai jingkren kynthup naduh u O. Shadong, Dolloi Elaka Lakadong, u Ngaitlang Rymbai, Adviser Association bad na u N. Talang GS Association.
Ia ka jingialang la pyniaid da u F.Rymbai, President ELSA.
Ka jingialehkai ha kane ka sngi ki long kawei ha ka por 12 baje mynsngi kata ka Lakadong Umlatdoh FT Vrs Lama bad kawei pat ha ka por 2 baje janmiet hapdeng ka Umlyngsha FT Vrs Lakadong Ummat FT.
Ha ka jingiakhun kaba nyngkong ka Lama FT ka la lah ban pynliem ia ka Lakadong Umlatdoh FT da 2-1 kol.
Ha ka jingiakhun kaba ar pat kaba la iakhun hapdeng ka Umlyngsha FT pyrshah ia ka Lakadong Ummat FT ka jingiakhun ka long kaba iakhaid bha ha kaba kila ioh ban thep mar shikol. Kumta la hap ban pynlong da ka jingiashut Penalty.
Ha ka jingiashut Penalty ka Lakadong Ummat FT ka la lah ban pynliem ia ka Umlyngsha FT da 3-1 kol.
Kane ka long katkum ka khubor kaba pynlait da u N. Talang, GS Elaka Lakadong Sports Association.
