Ka 7 Aside Knock Out Football Tournament kaba pynlong da ka Sports & Games Committee jong ka shnong Panaliar kala sdang naduh hynnin ka sngi (16.04.22) da ka jingiakhun hapdeng ka LMK FC pyrshah ia ka Seiñ Kynjei FC haka por 2 baje nohphai sngi.
Ha kane ka Tounament kin don haduh 14 tylli ki kynhun ki ban iashim bynta. Ia kane ka jingialehkai la wan ban plie pyrda da u Waheh Shnong jong ka shnong Rymbai u ma Justice Lyngdoh. Ha shwa ban sdang jong ka jingialehkai hynnin ka sngi kala don ka jingialang kaba lyngkot kaba la pyniaid da u ma Owaker Pasweth. La ioh ka jingnguh blei na u ma Tista Paswet bad ka jingkren na u Waheh Shnong ka Panaliar u ma Riquoma Rq. Laloo bad na u ma Sienmitre Sumer, Secretary, S&G Committee ka shnong Panaliar.
Ha kane ka sngi la iadonlang ki nongkitkam shnong naduh u General Secretary u ma Careme Phawa, u Treasurer ma Jait Dao Sumer bad kiwei de.
Ka Seiñ Kynjei FC ka la long ka nongjop ha kane ka jingialehkai da kaba pynliem ia ka LMK FC da 3-0 kol. Ia ka kol kaba nyngkong la kum thep bakla sha la ka jong ka kol da u nongialehkai jong ka LKM FC u Deimon Shullai ha ka kylla step jong ka jingialehkai. Ha ka kylla miet pat jong ka jngialehkai ka Seiñ Kynjei FC kala ioh ban pyntam sa 2 tylli ki kol lyngba u Raplangki Marboh bad u Dashngaiñ Sukhlaiñ.
