Ka jingiakhun Boxing ne lympung ïakura kaba la tip kum ka All Jaintia Open Boxing Championship 2023, kaba ar sngi kala sdang mynta ka sngi 24 tarik bad kan kut lashai ka sngi ka 25 tarik mynta u bnai Lber (March). Ia kane ka jingiakhun Boxing la pyniaid da ka West Jaintia Boxing Association (WJBA) ryngkat ka jingiatreilang bad ka ophis jong u District Sports Officer, West Jaiñtia Hills District. Ia kane ka jingiakhun Boxing la pynlong ha Madan Daimasi Ladthadlaboh, Jowai.
Hashwa ban sdang ïa kane ka jingiakhun mynta ka sngi la don ka jingialang kaba lyngkot kaba la pyniaid da u ma R. Laloo, ha kaba u Superintent of Police (SP) ka West Jaintia Hills District u B.D. Marak u la long u kongsan bad la donlang ruh u Officer Inchage (OC) Jowai PS u ma S. Manner, u Additional SP WJHD, ki dkhot bad nongkitkam ka Jaintia Boxing Association lem bad kiwei de kiba la shah khot sngewbha sha kane ka lympung ia kura.
U kongsan SP haba kren u la ong katno nga dap da ka jingkmen haba nga la shah khot sha kane ka lympung kaba long ruh ka sien nungkong ia nga, u la ong nga la ioh sngew ia ka jingiaid lynti jong ka Association kaba wan rah ia ka jingmyntoi ia ki khynnah bad ki samla ym tang ka jingmyntoi hynrei ka akor ruh ruh kumjuh, khamtam ia ki kynnah kiban sa san ne kiew shakhmt.
U SP u la ai khublei kyrpang ruh ia ki nongkitkam ka West Jaintia Boxing Association kaba la trei shitom na ka bynta ban kyntiew ia kane sap jinglehkai Boxing. Mynta ka sngi la don ka jingiakhun ha ki kyrdan bapher bapher kiba kynthup ia ki shynrang bad kynthei, kaba ki jingiakhun final pat kan long la shai ka sngi Saitjain 25.03.2023.