Ka Sai Yei Sap Production & Entertainment (SYS-P&E) kawei na ki kynhun ba paw jong ka nongbah Jowai ha kaba pynmih ia ki philm Pnar, mynta ka kynti sa shisien kan sa pynmih biang sa ia kawei ka phlim tangba kan dei ka phlim biria (Comedy Film) kaba yn sa kren ha ka ktien Pnar bad Khasi.
Ia kane ka phlim la sdang ban ringdur mynta da u Director ba paw jong ka ri Khasi-Jaiñtia u samla Kiki Garod. La khmih lynti ba ia kane ka phlim yn sa ioh ban pynmih paidbah ha u bnai Nohprah (Demcember) mynta hi ka snem.
Ha kane ka phlim kin don ki Actor ba paw kum u Maheh, Slaek, Ma Lor bad Bah Tam.
Na ka liang ki nongpyniaid jong kane ka kynhun ki khot ki wer ia ki paidbah jong ka ri lum Khasi-Jaiñtia ban ia kyrshan lem ia ki da kaba wan ban peit ia kane ka phlim jong ki hadien ba la pyllait paidbah ia ka.