Mynta ka sngi ka tnat Arts and Cultures jong ka sorkar jylla kala sdang ia ka prokram kaba iadei bad ka jinglong kyrpang jong ki jait bynriew riewlum hapoh ka jylla ia kaba la tip kum ka ‘Jan Janjatiya Gaurav Divas’.
Ha kane ka sngi sdang jong kane ka prokram la pynlong ia ka jingkynmaw burom ia ka riewshlur jong ka jait bynriew bad ki jingialehkai drama. La iadonlang ruh u bah F.R. Kharkongor IAS, uba dei u Commissioner and Secretary ka Arts & Culture ka jylla.
Kiwei de ki prokram kiba yn sa pynlong ha kane ka taiew jingrakhe yn don ki Seminar halor ka jingiathuh khana mynbarim bad ka jingiadei bad ki nongkyndong. Ia ki prokram ba dang sah yn sa pynlong ha Wakhen Music Vilage.
