Mynta ka sngi ka 15/05/2023 ka “SENG KUR BLAH ” East jaintia kala ioh lad ban Seng ia kawei ka Seng kur kaba don ha Ladrymbai Khliehdupon East Jaiñtia, kata kadei ka kur Blah.
Shuh shuh ha katei ka jingialang kur la ioh ban jied ia ki dkhot nongkitkam bapura jong ka kur Blah ia u President la ioh bat da u ma Akbar Blah, Vice President la ioh bat da u ma Kyrshan Blah, Secretary Riban Blah, Advisor u ma Wansuk Blah bad i kong Jubida Blah bad ia ka kam Tresurar da i kong Merun Blah.
Na ka liang jong u President ka kur u ma Akbar Blah ha ba ai jingkren ha kane ka sngi, u la kyntu jur ia baroh ki kur Blah ba kin sngewbha ban tip shai ba hapoh East Jaiñtia ka kur Blah ka dang don bad ka dang iai skhem. Shuh shuh u la ong ruh ba ka kur Blah ka dei ka kur kaba don Akor don burom kumta baroh ki kur ki dei ban bat ia kane ka burom jong ka kur hi baroh kawei.
Na kaliang jong u Vice President ka kur u ma Kyrshan Blah haba ai jingkren u la kyntu jur ia ka kur Blah ba kin long kiba iai don Akor don burom bha bad ba kin long kita kiba tipkur, tip kha ,tip man, naduh mynta haduh ka lawei pateng jong ki wei pat kiban dang sawan.
Kane ka long katkum ka khubor ba la pyllait da u President jong ka kur u ma Akbar Blah.