Katkum ka hukum sorkar ba la pynmih ha ka janmiet jong ka 17 tarik da i Deputy Commissioner, East Khasi Hills kong I. Laloo, IAS la kdew ba la shah ia baroh ki la ki dei ki kali jong ki riew shimet ne ki kali kamai ban iaid noh 100% naduh ka 18 tarik mynta u bnai hapoh ka East Khasi Hills District baroh kawei.
Tangba la kdew ba kine ki kali ki dei ban iaid tang hapoh ki kynta ba pyllait ia ka Curfew miet kata naduh ka por 5:00 baje mynstep haduh ka por 10:00 mynmiet.
Ka hukum kala btah ruh ia baroh ki nongniah kali kamai ba ki dei ban tah ia ki jingthoh ha ki kali jong ki kum ka “Vaccinated lane Non-Vaccinated”
La bthah ruh ba ka jingdeng ia ki mask ne ki N-95 ka long kaba donkam bha, kumjuh ka jingpyndonkam ia ki dawai sait kti (sanitizers), ka jingplie ia ka jingkhangïit ban ioh lyer hapoh kali ka long kaba donkam.
Kan don ka jingteh lakam ia baroh ki kali kamai bad ki dei ban bud ryntih bha ia ki kyndon Covid-19, kum ka rukom kit ia ki nongshong kali, ka jingdih duma, ka jingbam jingbam, bad ka jingweng ia ki mask ka long kaba la khang pyrshah.
Lada lap ia kino kino kiba ialeh pyrshah ia ki kyndon bala buh da ka tnad Health and Family Welfare jong ka sorkar kin shah pynshitom kat kum ki kyndon jong ka aiñ.