Ki bor pyniaid jong ka Pynursla Civil Sub-Division, Pynursla kila pyntip paidbah ba la pyllait bad shah ia ki kali ban iaid lyngba ka Laitlyngkot sha Lyngkyrdem (Chainage Kms 24+00 – 37+00) jong u surok Shillong-Dawki naduh lashai ka 14 tarik u Naiwieng 2025.
Tangba kane ka jingiaid ki kali baroh shisngi la pyllait shwa tang naduh ka 14 tarik haduh ka 17 tarik mynta u bnai. Hadien kane ki bor pyniaid Civil Sub-Division kin sa pynmih hukum da kumwei hadien ka jingkhmih bniah ia ka long ka man jong katei ka jaka.
