Katkum ka hukum ba la pynmih mynta ka sngi da u District Magistrate, ka West Jaintia ma Garod LSN Dykes, katkum ka Memo. No. GEN.253/ COVID[1]19/2021/189, Dated 09.10.2021 SI. No. 4 (A) and Sl.No. 2 & 3 (B),u la shah ia ki iew kiba ju long shisien shi taiew sha ki thaiñ nongkyndong ban plie noh naduh ba la pynmih ia kane ka hukum, da kaba pan jingbit shwa na u Deputy Commissioner ka District ne na u SDO (Civil), Amlarem ha shwa ban plie ia ki.
Ha kajuh ka por la shah ruh ia baroh ki dukan kiba don hapoh ka District ba ki la lah ban plie naduh ka sngi Monday haduh ka sngi Sunday.
Na ka liang ki bor District kila buh ka jingkyntu ia baroh ki nongshong shnong ba ki dei ban bud ryntih ia ki jingmana bala dep pynmih da ka sorkar, kiba kynthup ia ka jingpyniajngai kaba 5 phut iwei na iwei, ka jingdeng ia ki Mask tap khmat ne ki jingtap shyntur bad khmut haba mih na iing ne leit dokam shano shano.
La khang pyrshah ruh ban biah kat shaba lap ne ban dih duma ha ki jaka paidbah kynthup ha ki dukan bad ki jaka trei. La bthah ruh ia baroh ki trai dukan ba kin buh ia ka Vaccination Status jong ki “VACCINATED” lane “NOT VACCINATED” katkum ba dei ia ki.
Ia kiba ialeh pyrshah yn pynshitom katkum ki kyndon jong ka Section 2 of the Epidemic Diseases Act, 1897.