Ka jingshah pyniap dusmon jong jong ka (Late) Mantip Langstang ka khynnah Skul jong ka Tia Chaphrang Hr.Sec. Sohkymphor ha ki riew thrangsnam ki bym lah ban ithuh mynta ka sngi ka 16 tarik u December 2021 ka la dap shi snem pura.
Kumta na ka liang ka Seng Jaiñtia Students’ Movement (JSM) Women’s Wings CB bad JSM Eastern Region ryngkat ki kur ki kha, ki ba ha iing ha sem ki khynnah skul, ki Nonghikai jong katei ka Skul bad paidbah ki la sngew bitar bad pynrem jur ia ka jingtlot treikam ki bor jong ka aiñ, ia ka Police Department ba la dap shi snem ka jingshah pyniap dusmon jong ka te tad haduh mynta ka bor jong ka aiñ ka khlem pat lah ban kem bad ban pynshitom ia ki ba donkti ha kane ka kam, kane ka la nang pynkharoi bad buh ha ka jingtieng jingsyier ia ka leit ka wan bad ia la lawei jong ki Kynthei khynnah.
Kumta kum da dak ban pynkynmaw sha ka Sorkar sha ka bor jong ka aiñ la pynlong da ka jingiaid Rally ba sdang naduh Tia Chaphrang Hr. Sec. School Sohkymphor, Ladsohkymphor ter ter shaduh office treikam u Deputy Commissioner, Khliehriat ryngkat ki placard, ka jingpyrta dawa ban pynioh ia ka hok jong ka (L) Mantip Langstang.
Ha shwa ban sdang ia ka jingialang lyngkot la pynlong da ka jing sngap jar ka ba 1minit. Ka la don ruh ka jingthang ia ki mombati kum ka dak ka jingkynmaw ieit ia katei ka lanot.