Ka seng Meghalaya Commercial Truck Owners and Drivers Association (MCTODA) kaba ju treikam tang ha ri lum Khasi ha kine ki khyndiat snem, mynta la ioh ban thaw ia ka sha ri lum Jaintia Hills ha kane ka 26 tarik u Rymphang 2025, ia kaba la ai kyrteng ka Meghalaya Commercial Truck Owners and Drivers Association, Jaintia Unit (MCTODA-Jaintia Unit).
Ka Meghalaya Commercial Truck Owners and Drivers Association ka dei ka seng kaba peit ia ka bha ka miat bad ka jingmyntoi jong ki trai truck bad ki nongniah jong ki, kiba don hapoh ka Jylla. Ka seng ka ieng ban dawa ia ka hok jong ki, halor ka kit ka bah ia ki mar ki mata kiba mih napoh ka jylla Meghalaya.
Ia kane ka seng la wan ban pynskhem da u President u bah Mosklander Marngar, ha ka jingiadon ryngkat u General Secretary u bah Peter Marbaniang bad kiwei de ki dkhot jong ka seng.
Ha kane ka sngi la thung ia ki nongkitkam jong ka MCTODA-Jaintia Unit kumne harum:-
- President: Shri. Heibormi Pariat
- General Secretary: Shri. Shanborlang Suchiang
- Vice-President: Shri. Robel Pakma
- Joint Secretary: Shri. Wanshan Laloo
- Treasurer: Shri. Kerson Suchiang
- Finance Secretary: Shri. Ialam Dkhar
Hadien kane la ioh ia ka jingkren na ka liang jong u ma Heibormi Pariat uba dei u President ka Meghalaya Commercial Truck Owners and Drivers Association – Jaintia Unit, ha kaba u la kyntu jur ia ki trai truck bad ki nongniah truck kiba don ha kylleng jong ka ri lum Jaintia ba ki iasnohkti lang bad ka seng, khnang ba yn lah ban wanrah ka jingmyntoi ia ki, kumba la iohi nuksa ha ri Lum Khasi ba ka seng ka la treikam.
U ma Pariat ula ong kino kino kiba sngewdonkam ban iakren halor kane kin sngewbha ban phone ha kine ki number 9862266318 / 8787464347 kiba dei jong u President bad u General Secretary ka MCTODA-Jaintia Unit.