Ka Society for the Study of Law jong ka ri Lum Jaiñtia kum shi bynta ban wanrah ia ka National Law School ha ri Lum Jaiñtia mynta ka sngi kala khot ia ka jingialang ba kyrpang na ka bynta ban thaw ia ka komiti kaba la tip kum ka National Law School – Demand Committee, Jaiñtia Hills na ka bynta ban dawa na ka sorkar ban pynioh ia kane ka jaka pule ha Jaiñtia Hills.
Ha kane ka jingialang la shim ia ka rai ban thaw ia kane ka komiti (National Law School – Demand Committee) bad la jied ruh ia ki dkhot jong kane ka komiti. Ki dkhot kin kynthup ia baroh ki EC member ka Society for the Study of Loaw, mar ar ngut na ka seng JSU, JSM jong ka East bad West Jainti Hills, na ka FKJGP Jaiñtia Hills Unit, na ka KSU Jaiñtia Hills, u President bad Secretary ka Synjuk Waheh Chnong Jaiñtia Hill bad ki President bad Secretary na ka Synjuk Rangbah Chnong Jowai.
La jied ruh ia ki riew rangbah ba shemphang jong ka ri Lum Jaiñtia kiba kynthup ia u ma S.K. Lato, ma Chel Sing Langi, ma Dame Hiwot Pde, ma Philanderwel Lyngdoh, ma H. Toi bad u Dr. Phervision Nongtdu.
Kane ka komiti nangne shakhmat kan sdang noh ban trei ia ka kam jong ka jingdawa ban pynioh ia kane ka skul bah (National Law School) ha ri Lum Jaiñtia.