Ka jingialang kaba la khot da ka Hynniewtrep Border Disputes Redressal Forum (HBDRF) kaba la wan ban ïashim bynta da ki sengbhalang bapher bapher naduh ka KSU, JSU, HNYF, JNC, APUF, JWAM bad kiwei, ki Doloi Elaka Raliang, Shilliang Myntang, Nongjngi bad u Doloi ba shuthung jong ka Labang Nangphyllut, ki nongshong shnong ka thaiñ Elaka Labang Nongphylut bad kiwei, ki riew shemphang kum u Dr. P. Pasah, Retired Professor NEHU, B. Sari President Jaiñtia Dorbar, President ka Synjuk Waheh Chnong Ri Jaiñtia ma A. Lipon, ma M. M Thaiang bad kiwei. Ïa ka jingïalang la pynlong ha District Library Myngthong Jowai, kaba la pynïaid da u Chairman ka HBDRF ma C. Sungoh ha ka jingïadon lang ruh u bah T. Passah Spoke Person ka Forum.
Hadien ba la wai ka jingïalang na ka liang u Chairman ka HBDRF, u la ong ba ka ha kane ka jingïalang la shim ïa ki katto katne ki rai kiba ïadei bad ki kam khappud. Ha kaba u la ong haka jingïadei bad ka jingpynbeit pud ha ki thaiñ Khaduli bad Psiar ne Block ym pat lah ban ïoh jingtip bathikna na ka sorkar. U la ong ruh katkum ka jingong jong ka sorkar ban pynbeit shwa tang ïa ka Khanduli bad Psiar Sector na ka liang Forum, ki sengbhalang bad ki paidbah jong ka Elaka Labang Nongphyllut bad Pangam Raliang kim sngewïahap satia ïa kata ka jingmut jong ka sorkar, hynrei ki kwah beit tang kawei kata ban pynwan ïa ka Block I bad II shapoh ka jylla Meghalaya.
U la ong ba ha kane ka jingïalang la khmih lynti ban ïoh ïa u pud u sam san phew dei ban pan shi spah khnang ban ïoh sanphew bad ha kaba ïadei bad u pud u sam jong ka Labang Nongphyllut ngim dei ban duh bad lada duh, la dei ban ïa um snam ne ban ïap ruh ym salia ong u ma Sungoh.
Na ka liang u ma T. Pasah u la ong ba Forum bad baroh kiba don ha kane ka jingïalang, u la ong ba ka jingthmu ba kongsan ka long ban pynthikan ba ka Block I bad Block II ki dei ban poi shapoh Meghalaya. U la ong ruh ba la shim ïa ka rai ban pyrshah ïa ka jingthmu jong ka sorkar ban shim ïa ka rai ban ïakren shwa tang ka Psiar bad Khaduli kaba ym lah ban pdiang satia.
Ha ka jingïalang la ioh ruh ïaka jingai jingmut na ka liang kiwei de ki seng bad ki riew rangbah kiba la ïadon ha kane ka jingialang.
