Lyngba ka Extra Time thep u Dauruhi Pale shikol
Ka kynhun ïalehkai jong ka Sailung Ïalong SC kala long syndon ka lahduh ha ka 1st Division Football Tournament 2022 ba la pynïaid da ka West Jaiñtia District Sports Association, ha ka jingïakhun phainal mynta ka sngi Saitjaiñ ha Kiang Nangbah Stadium, Ladthalaboh Dongmihsngi, Jowai.
Ïa kane ka lympung ïalehkai la tip ïa ka kum ka 10th U Chatister Kharkongor Memorial Trophy, kaba dei ruh shi bynta na ka jingrakhe Golden Jubilee jong ka Association.
Haba phai sha ka jingïakhun phainal hapdeng ka Sailung Ialong SC pyrshah ïa ka Mukhlaraij SC kala long kaba ïakhaid bha namar baroh ar kynhun kim shem la ïoh ban thep kol naduh ka kylla step tad haduh ka kylla miet, da kane ka jingïakhaid la hap ban pynïakhun da ka Extra time.
Hynrei dei ha ka minit kaba 109 u rangïalehkai ka Sailung Ïalong SC u Dauruhi Pale ula ïoh ban thep ïa ka kol bad lyngba kane kala long syndon ka lahduh jong kane ka lympung mynta ka snem.
Ïa ki khusnam sha ki nongjop la sam da u kongsan u bah Finely Pariat, ha ryngkat ka jingdonlang u MLA ka Jowai ma Wailadmiki Shylla, u Hon., General Secretary ka WJDSA ma Lammat-oo Laloo, ki Dkhot ka Association lem bad kiwei de kiba la shah khot sngewbha.
Ïa ka nam Top Scorer la ïoh da u Dairuhi Pale ka Sailung Ïalong uba la thep haduh 10 kol jong kane ka lympung, Best Goal Keeper la ïoh da u Damangbha Rymbai na ka Sailung Ïalong, ka nam Man of the Match la ïoh da u BAshanbor Pale na ka Sailing Ïalong, ka nam Player of the Tournament la ïoh da u Mebakynsai Pale na ka Sailung Ïalong.
Kine ki ar kynhun kiba la poi sha ka jingïakhun phainal ka Sailung Ialong SC bad ka Mukhlaraij SC, kila ïoh syndon ban rung sha ka Super Division jong kane ka lympung ba pynïaid da ka WJDSA.
