U Sub-Divisional Officer (Supply), Amlarem Civil Sub-Division, u la pyntip sha baroh ki Nongbam Khaw Rashon kiba hap hapoh ka National Food Security Act (NFSA) lyngba ka tnad Department of Food & Public Distribution ba ka Sorkar Pdeng ka la pynbna ba mynta, ki Nongbam Khaw Rashon kila lah ban leh ne pyndep ia ka e-KYC ha kano kano ka Jylla (State) ba ki don khlem donkam shuh ban leit phai sha la ki jong ki State ban pyndep ne leh ia katei ka kam.
Kane kan pynsuk shibun eh khamtam ia ki nongtrei kiba wan na bar jylla (Migrant Workers) khnang ba kin lait na ka jingshitom jong ka leit ka wan ha ka ba iadei bad katei ka kam e-KYC, kaba dei ruh kaba donkam bha ha ka kam Khaw Rashon.