Mynta ka sngi ka ophis jong ka District School Education Officer (DSEO) Jowai ryngkat ka jingiatreilang bad ka ophis Planning Officer kila pynlong ia ka Inter School Quiz Competition ha Ladthalaboh Dorbar Shnong Indoor Hall, Jowai.
Ha kane ka jingiakhun ka Government Boys HSS kala long ka lahduh bad la mihkhmat da u Somanroy Myrchiang bad ka Graceful Mary Phawa, ka Government Girls HSS kala wan ba-ar bad la mihkhmat da ka Safety Care Pohleng bad ka Peruse Ryngkhlem katba ka North Libertry HSS kala wan ba-lai bad la mihkhmat da u Ribait Phawa bad u Sneinbha Suchiang.
Kila don 7 tylli ki skul kiba la wan ban iashim bynta ha kane ka jingiakop, kiba kynthup ia ka North Liberty Higher Secondary School, Thomas Jones Higher Secondary School, Kiang Nangbah Higher Secondary School, Government Girls Higher Secondary School, Government Boys Higher Secondary School. KJP Synod Mihngi Higher Secondary School bad ka Q.C Springside Higher Secondary School.
Ia kane ka jingiakop Quiz la pynlong kum shi bynta na ka jingrakhe ia ka North East Festival, 2022 bad ruh ka jingrakhe ia ka Azadi Ka Amrit Mohotsav (AKAM). Ia kane ka jingiakhun la pyniaid da u bah R.S. Teron, Block Mission Coordinator (BMC).
Kham hashwa i kong A.P. Syiem, District School Education Officer bad u Shri. AC Roy, Assistant District Adult Education Officer, Jowai kila ai ka jingkren lyngkot maitphang halor ka jingthmu ba la pynlong ia kane ka jingiakop kyntip (Quiz). Ia ka prokram la pyniaid da i kong C. Lyngdoh.
