Ka kynhun ïalehkai jong ka Jalapang SC kala long ka lahduh haka jingïakhun phainal jong ka lympung ïalehkai ‘Inter Dong Football Tournament’ bala pynïaid da ka Wahiajer Sports Club ha madan Wahiajer Multi Sports Complex Stadium.
Ha ka jingïakhun phainal mynta ka sngi ka Jalapang SC kala lah ban pynliem da 4-0 kol ïaka Lumbhahdakha, ïa kitei ki kol na ka Jalapang SC la thep da u Sauni Phawa haka minit ba 13 bad u Reform Pale ula ïoh ban thep lai kol kata haka minit ba 23, 46 bad 67.
Na ka liang ka Lumbhahdakha kala pyrshang ban pynphai kylla ïa kitei ki kol hynrei kam lah shatai haduh kaba kut jong ka jingïakhun, lyngba kitei ki saw kol kala pynlong ïa ka Jalapang SC ban rah ïa ka nam lahduh mynta u snem.
Ïaka nam Top Scorer jong kane ka Tournament la ïoh da u Reform Pale uba la ïoh ban thep haduh 7 kol. Ïa ka kyrdan ba lai (Third place) ka jop da ka Mainroad da kaba pynliem ïaka Iawpynsin ha ka jingïashut Tie Breaker.
La pyntip ha kane ka lympung baroh ki dong 8 tylli kiba don hapoh ka Wahiajer kila wan ban ïashim bynta.