Ka kynhun ïalehkai jong ka Lad Rymbai B SC kala long syndon ka lahduh haka lympung ïalehkai jong ka kyrdan 1st Division bala pynïaid da ka East Jaiñtia Hills District Football Association (EJHDFA) ha madan Deinchynrum, EJHD haka jingïakhun phainal mynta ka sngi Saitjaiñ.
Kane ka nam jop jong ka Lad Rymbai B SC kala wan hadien ba kala lah ban pynliem da 1-0 kol ïa ka kynhun Chiehruphi SYWSC bad ïa katei ka shikol la thep da u rangïalehkai jong ka Ladrymbai B.SC u Dasukwame Dkhar haka minit ba 4 kaba dei ka por sdang jong ka jingïakhun jong ka kylla step.
Ha kane ka sngi la wan ban pynhap pyrda ïa kane ka lympung da u kongsan u Abhilash Baranwal, IAS uba dei ruh u Deputy Commissioner ka East Jaiñtia Hills District ha ryngkat ka jingdonlang ki dkhot ka Association bad ki rangbah shnong jong ki shnong bapher bapher ka East Jaiñtia Hills District.
Ïa ki khusnam sha ki nongjop la sam da u kongsan ryngkat ki nongkitkam ka Association, ïa ka nam Emerging Player la ïoh da u Suting Syrti jong ka Chiehruphi SYWSC, katba ïa ka nam Best Team la ïoh da u R. Synrang naka Shahkhaiñ SC.
