Mynta ka sngi (07.06.2023), ka Reserve Bank of India (RBI), Shillong, kala pynlong ia ka District level financial literacy quiz, na ka bynta ki khynnah skul jong ka West Jaintia Hills District, na ka bynta ki khynnah skul kiba pule ha ka kyrdan jong ka Class VIII haduh Class-X. Ia kane ka jingiakop kyntip la pynlong halor ka phang jong ka Banking bad G-20, ia kaba la pynlong ha conference Room, Yutran Inn, Ladthadlaboh, Jowai.
Ha kane ka jingiakop jingkyntip (quiz) la wan ban iashim bynta da ki saw tylli ki skul sorkar jong ka West Jaintia Hills District kiba kynthup ia ka Jowai Public School, Jowai, Government Girls Higher Secondary School, Jowai, Sohkha Government Higher Secondary School, Sohkha bad Nongtalang Government Secondary School, Nongtalang, ha kaba na kawei ka skul ki don mar ar ngut ki nongiashim bynta.
Ha kane ka jingiakop ka Nongtalang Government Secondary School, Nongtalang kala wan ha ka kyrdan ba nyngkong ka ban sa ioh ruh ban leit iashim bynta ha ka jingiakop State level quiz competition, kiba wan ha ka kyrdan ba ar bad balai ki kynthup ia ka Sokha Government Higher Secondary School, Sohkha bad ka Jowai Public School. Ia ki nongjop ha kane ka jngiakop la sam da ki certificates, trophy ryngkat bad ka song pisa.
