Ka ophis jong u District Sports Officer, West Jaiñtia Hills District, Jowai kum shi bynta ban rakhe ia ka sngi ba kyrpang jong ki kynthei ne ka ‘International Women’s Day 2023’ mynta ka sngi (15 tarik u Lber, 2023) ka la pynlong ia ka jingiakop tan tyllai hapdeng ki kynthei ha Kiang Nangbah Stadium, Jowai.
Ha kane ka sngi ïakop tan tyllai ‘Open Tug of war’ tang na ka bynta ki kynthei la wan ban iashim bynta haduh 9 tylli ki kynhun, kiba kynthup ia ka R.C Eve Secondary School, Mihmyntdu, Upper Primary, ka Catholic Youth Sports Club, Mihmyntdu, R.C Eve Secondary School, Mihmyntdu, Secondary School, ka Women’s Dongmihsngi Sports Club, ka Q.C Springside HSS, ka H.K. Singh Memorial Secondary School, ka 7 Wasa United, ka West Jaintia Judo Association bad ka R.C. Eve Lower Primary School, Mihmyntdu.
Ki kynhun kiba la poi sha ka Final ki long ka Q.C. Springside HSS pyrshah ia ka H.K. Singh Memorial Secondary School.
Ka Q.C. Springside HSS ka la long ka lahduh ha kane ka jingiakop tan tyllai (tug of war) jong ka jingrakhe ia ka International Women’s Day mynta ka snem.
