Kum shi bynta na ka jingplie sdang ia ka jingrakhe ia ka Financial Literacy Week 2024 ka RBI Shillong kala pynlong ia ka jingiakop Skit na ka bynta ki samla pule college jong ka nongbah Shillong bad ki jaka ba markhap halor ka phang pdeng Importance of Financial Literacy.”
Ha kane ka jingiakop ka Sankardev College kala long ka lahduh, katba ka NEHU ka la ioh ia ka 1st runner-up bad ka Women’s College kala ioh ia ka 2nd runner-up. Ki nongjop kila ioh ia ka khusnam da ka song pisa bad ki syrnod.
Ki nongiashim bynta bad ki nonghikai na ki college bapher bapher kila pynpaw ka jingsngewnguh ia ka RBI Shillong kaba la shimkhia ban pynlong ia kum kine ki prokram ban pynsngewthuh ia ki samla.