Kum shi bynta na ka jingrakhe ia ka Jubili Rupa (Silver Jubillee) jong ka Jowai Presbyterian Higher Secondary School, Jowai mynta ka step lyngba ka Sports and Entertainment Committee jong kane ka Jubili ka la pynlong ia ka jingmareh Marathon, ha kaba la wan ban iashim bynta da ki khynnah skul bad ki nonghikai jong katei ka skul.
Ia kane ka jingmareh Marathon la sdang ha ka por 5:30 AM bad ha shwa ban sdang ia ka jingiamareh la pynlong shwa ia ka jingduwai ba la lamkhmat da u Pastor Rev. E. Nongpluh. Na ka liang jong u Pastor Nongpluh ula kaweh ruh ia ka lama kum ka jingsdang ka jingiamareh.
Ia kane ka Marathon la sdang na trai Gate jong ka ïing mane Jowai Presbyterian Church, Mission Compound bad mareh sha Iawmusiang-Mynthong-Khimusniang-Umshangiar-Chilliangraij-Lumkyrwiang bad wan pynkut biang ha kajuh ka jaka ha Mission Compound.
Ki nongjop na ka liang ki khynnah skul na ki shynrang ki long 1st-Daboi Mulieh, 2nd-Pynskhem Lhuid, 3rd- Da o biang Pariat. Na ka liang ki khynnah kynthei 1st – Refulgency Khynriam, 2nd Evakordor Niang, 3rd Sodala Dkhar.
Na ka liang jong ki nonghikai pat na ki shynrang la ioh 1st- Wanlangki Talang, 2nd Shaniah Hua. Katba na ka liang ki nonghikai kynthei 1st-Miss Venessa Kyndait, 2nd-Miss Rida Laloo, 3rd – Miss Nisakawai Blah.
Hadien jong ka jingiamareh la ialam ia ki nongiashim bynta baroh sha compound jong ka skul ha ka la ai sha bad jingbam ia ki.
